საქართველოს ეროვნული არქივი

home

საგანმანათლებლო პროექტის გამარჯვებული რუსთავის #4 სკოლა გახდა

20:00 | 2 ივნისი, 2017

image

იუსტიციის სამინისტროს ეროვნული არქივის საგანმანათლებლო პროექტ „საქართველოს პირველი რესპუბლიკის“ გამარჯვებულები დღეს სასტუმრო „ჰუალინგში“ გამართულ ინტელექტუალურ თამაშში გამოვლინდნენ. პირველი საპრიზო ადგილი - რუსთავის #4 სკოლამ, მეორე ადგილი - თბილისის #166 სკოლამ, მესამე კი  რუსთავის #5 სკოლამ დაიკავა.

გამარჯვებულებს მედლები და ფასიანი საჩუქრები იუსტიციის მინისტრის მოადგილემ მიხეილ სარჯველაძემ გადასცა. სოფელ შინდისის სკოლა - დანაშაულის პრევენციის ცენტრის დირექტორმა თათია ხოჭოლავამ, ხოლო 203-ე სკოლა ეროვნული ბიბლიოთეკის დირექტორის მოადგილემ მირიან ხოსიტაშვილმა დაასაჩუქრა.

პროექტში თბილისის, რუსთავის, მცხეთის, დუშეთის, კასპისა და გორის რაიონების 70-ზე მეტი საჯარო და კერძო სკოლა იყო ჩართული, ფინალში კი 63 სკოლის გუნდი  მონაწილეობდა.

6 მოსწავლისაგან შემდგარი გუნდები ინტელექტუალურ თამაშში შეეჯიბრნენ. დასმული იყო სხვადასხვა სირთულის 30 კითხვა. გამარჯვებულები სპეციალურმა ჟიურიმ გამოავლინა, რომლის შემადგენლობაშიც შედიოდნენ: ეროვნული არქივის დირექტორი თეონა იაშვილი, საისტორიო არქივის დირექტორი ანტონ ვაჭარაძე და ისტორიკოსი დიმიტრი სილაქაძე. ინტელექტუალურ თამაშს გიორგი მოსიძე უძღვებოდა.

საგანმანათლებლო პროექტს საფუძველი 2015 წელს ჩაეყარა. ეროვნული არქივი მდიდარია პირველი რესპუბლიკის ისტორიის ამსახველი როგორც წერილობითი, ისე ფოტო და კინოდოკუმენტებით. საგანმანათლებლო პროექტი პირველი დემოკრატიული რესპუბლიკის ისტორიით მოსწავლეთა დაინტერესებას ემსახურება.

ჩვენი სერვისები

ყველა სერვისი
მაისი 659